МУЕА-ын орлогч О.Тэнгис “Европын аюулгүй байдал, хамтын ажиллагааны байгууллага”-ын төлөөлөгчдийг хүлээн авч уулзлаа


Европын аюулгүй байдал хамтын ажиллагааны байгууллагын сонгууль хариуцсан газрын орлогч дарга ноён Улви Ахундлу тэргүүтэй төлөөлөгчдийг Монгол Улсын Ерөнхий аудиторын орлогч О.Тэнгис болон бусад албаны хүмүүс хүлээж авч уулзлаа.

Уулзалтын үеэр ноён Улви Ахундлу сонгуультай холбоотой хууль эрх зүйн шинэчлэлийн талаар ярилцсан бөгөөд тэрээр 2020 оны УИХ-ын сонгуулиар тус байгууллагаас ажиглагч илгээх шаардлага хэрэгцээ байгаа эсэхэд үнэлгээ хийх зорилготой Монгол улсад ирээд буй аж.

Монгол Улсын Ерөнхий аудиторын орлогч О.Тэнгис Европын аюулгүй байдал хамтын ажиллагааны байгууллагын үйл ажиллагааг сайшаан талархаж, ҮАГ-ын зүгээс бүхий л талаар хамтран ажиллахад бэлэн байгаагаа илэрхийллээ.